تصدر الفنان أحمد فهمي بعد ساعات من حلقته أمس الأحد مع الفنان أحمد السقا محركات البحث العالمية ، في برنامج «اغلب السقا» المذاع عبر قناة mbc الفضائية.
وكان النجم أحمد السقا قد استضاف في تلك الحلقة من برنامجه أغلب السقا، الفنان أحمد فهمي، وفي فقرة الرماية الأخيرة فاز الفنان أحمد فهمي على نظيره السقا ، ليحصل بذلك على الجائزة الكبرى مبلغ 100 ألف جنيه والتى قد تبرع بها لجمعية رسالة، وبذلك يكون أول الضيوف منذ بداية رمضان الذي ينتصر على أحمد السقا على أرضه وفى لعبته.
أما عن برنامج السقا فهو أحد تلك البرامج التى تستضيف بعض المشاهير ليتباروا فيما بينهم كنوع من التسلية والضحك وإضاعة وقت المشاهدين والذى تقوم فيه ادارة القناة باستئجار فتاة مدللة حسنة المظهر نوعيا والتى تقوم بعمل نوع من الصياح والتشجيع للفنانين المشتركين فى المسابقة فى أوقات فراغهم حينما لا يكون لديهم تصوير مثلا أو مشوار الى البنك. وهو نوع من انواع الاسترزاق. مش هنبص للناس فى رزقها بقى ولا إيه.
وبالطبع لا ننسى أن البرنامج تعاد حلقاته على التلفاز مرارا وتكرارا علشان اللى مشافش يشوف. فمتنسوش بقى تسجلوا الحلقة أو ليه نسجلها فى برامج دلوقتى ويوتيوب وكدا ممكن تشوفوا عليهم الحلقات لما تبقوا فاضيين.
مننساش أن فيه برامج كتير زى كدا كنا بنتفرج عليها زمان زى مثلا برنامج بدون كلام اللى كان بييجى على القناة الأولى قبل الف ليلة وليلة وبعد الباور رينجرز اللى كان بييجى على القناة التانية واللى فاكر حاجة يقولنا.
دلوقتى بقينا نتفرج على حاجات غريبة أقسم بالله. واهى دنيا وعايشينها ولا دايم الا وجه الله.
